HELBURUAK
- Haurrek saskibaloiaren oinarrizko printzipioak ikastea.
- Arautegia ikasteko, txikiek, jolasak erabili behar dituzte.
- Azken mailako ikasleak, bi eskuekin baloia botatzeko gai izatea, saskiratzeko, ohola erabiltzea, sarrerak ondo egitea, jaurtiketa libreak teknikoki ondo egitea eta defentsa oinarriak ezagutzea.
- Lana eta talde-sentimendua areagotzea.
METODOLOGIA
- Lehenengo mailako taldeentzako:
- Kirol honen oinarriak aurkeztu
- Sarrerak egiten hasi eta baloia modu egokian botatu..
- Teoriak diona, jolasen bidez praktikan jarri.
- Erdi mailako taldeentzako:
- Bote eta sarrerak errepasatu.
- Bi eskuekin botea landu.
- Defentsa praktikatu.
- Jolasak eta partiduak antolatu, ikasitakoa praktikan jartzeko.
- Azken mailako taldeentzako:
- Eskumuturra berotu jaurtiketak eta sarreren bidez.
- Jaurtiketa libreak, bi eskuekin botea, hanken artean baloia pasatu, eta sarrerak hobetzeko oinarrizko ariketak landu.
- Partidua antolatu, eskainitako ariketa guztiak praktikan jartzeko eta defentsa lantzeko
NORENTZAT
Jarduera hau lehen hezkuntzako 3. eta 6. maila arteko umeei zuzenduta dago.
Taldeak antola daitezke:
- Kurtso bakoitzean talde bat
- Jende kopurua nahikoa ez bada, hirugarren eta laugarren mailakoak eta bostgarren eta seigarren mailakoak elkartuko dira.
- Talde bakoitzak eskola kirolako lehiaketetan parte har lezake; bakoitzak egutegi desberdina izanik.
ORDUTEGIA ETA EGUTEGIA
Entrenamenduak astean birritan izango dira, eta saio bakoitzak ordu bat iraungo du.
Ordutegiak adinaren arabera finkatuko dira, 17:30 eta 19:30ak artean, astelehenetik ostiralera eskola egutegian.
BEHARREZKO BALIABIDEAK
- Eremu estalia bi kanasta txikirekin.
- Kirolariek, praka motzak, kamiseta mauka motzaduna eta oinetako egokiekin entrenatzera joan behar dute. Ile luzea daukanak lotuta eraman dezala.
- Kirolari bakoitzak entrenatzeko baloia izan behar du.
- Konoak eta uztaiak.
- Saskientzako sareak.
- Txilibitua, kronometroa, aktak eta norabide adierazteko gezia.
LEHIAKETA
Talde guztiek parte har dezakete. Gazteek “premini” mailan, nagusiek “mini” mailan.
Neska-mutilen kopuruaren arabera 3×3 (7 jokalari edo gutxiago badaude) edo 5×5 (8 jokalari edo gehiago badaude) lehiaketetan parte hartuko dute.
Kategoriak, neskak, mutilak edo mistoak izango dira.
Bizkaiko Federazioak egutegia antolatuko du; normalean azarotik maiatzararte.
Partiduak larunbatetan jolastuko dira. Ordutegia, 09:00ak eta 13:00 artean izango da.